千嬅化身千頌伊出騷　囝囝捧場唔俾抱

楊千嬅、藍奕邦和羅力威等前晚在會展為「拉闊音樂會」演出，近年甚少在舞台上唱歌的千嬅，今次除了獲得老公丁子高撐場外，囝囝Torres亦有到場支持兼入後台打氣，千嬅在台上不時與囝囝打招呼，險些忘形甩嘴！
之前有追看韓劇《來自星星的你》的千嬅，前晚亦化身千頌伊，在台上用韓文唱出《星星》主題曲，千嬅亦有與羅力威和藍奕邦等人合唱，與羅力威合唱時，千嬅大讚對方romantic並說：「佢雖然有時講嘢怪怪地，但係好可愛，同佢拖住手唱《雙子情歌》，好似着住校服食住軟雪糕咁，好似那些年個靜兒，呀，唔係，係佳宜先啱！」引得歌迷大笑，千嬅再說：「生咗仔（記憶力）係咁上下啦。」藍奕邦與羅力威合演的piano battle，表現精采，透視西裝上陣的藍奕邦，騷味甚濃！

[img]http://static.apple.nextmedia.com/images/apple-photos/apple/20140508/large/08ec3p1newaaa.jpg[/img]
■近年甚少在舞台開騷的千嬅，獲囝囝撐場，全程表現興奮！


囝囝首次捧場
完騷後千嬅接受訪問時稱，今次是囝囝第一次捧她場，本來在後台想合照，不過被頭上的雪糕頭飾嚇怕，所以全程要婆婆抱，她笑說：「我想佢嚟睇，本來諗住叫佢坐一陣就走，點知佢睇到完場，不過見到個仔真係好開心。」提到她唱《星星》的主題曲，她笑稱：「我真係俾啲羅馬拼音考起我呀，淨係識英文嗰幾句，好彩識一位識韓文拼音嘅娛樂主播幫手，真係唔好意思！」

[img]http://static.apple.nextmedia.com/images/apple-photos/apple/20140508/large/08ec3p2aaa.jpg[/img]
■台上播出了千嬅小時候的模樣，得意可愛。

[img]http://static.apple.nextmedia.com/images/apple-photos/apple/20140508/large/08ec3p4aaa.jpg[/img]
■囝囝Torres走入後台探千嬅，可惜被她的雪糕頭嚇怕，全程黐實婆婆。
微博圖片

[img]http://static.apple.nextmedia.com/images/apple-photos/apple/20140508/large/08ec3p3aaa.jpg[/img]
■藍奕邦一身透視西裝在台上演出，騷味甚濃。


後來，又問到千嬅有否計劃開個人騷，她說：「今年趕唔切，加上今年有兩套電影要拍，應該係明年年頭。」至於杜汶澤被內地封殺，彭浩翔擔心影響內地票房，一度傳刪剪他在《香港仔》的戲份，千嬅則說：「成件事嘅立場我唔係好清楚，不過在於演員立場，係尊重導演，除咗阿澤之外，仲有其他演員，所以佢都俾個完整性嘅故事去保護其他演員，呢個問題都講咗好耐，繼續講落去都好複雜，咪當係另類宣傳。」


來源:蘋果日報網站