兩奪影帝要去盡啲 家輝搵Sammi調情

張家輝繼09年憑《証人》奪得金像獎最佳男主角後，前晚憑《激戰》第二度榮登影帝，頒獎禮後眾人在尖沙嘴大搞慶功宴，不少導演和製作人包括王晶、劉偉強、黃柏高、成龍和葉念琛等去到撐場。

慶功宴上家輝開香檳慶祝，他表示跟第一次憑《証人》得獎時的心情一樣，他說：「其實開心度係一樣，嗰次始終係第一次，係激動啲，咁我經過咁多次頒獎禮嘅洗禮，贏過咁多次，輸過好多次，調節自己心情好重要，好似運動員咁，今次開唔開心？梗係開心喇！希望學習到唔係我得獎嗰時，唔會唔開心。」
家輝續說：「在座唔係求其拉個講係好朋友，真係好朋友嚟，佢哋攞我會好開心，我覺得今日我攞，佢哋都會戥我好開心。」

[b]舉家出埠慶祝[/b]
老婆關詠荷因為湊女，沒有出席頒獎禮，家輝在得獎後即時致電跟太太報喜，他說：「佢恭喜我囉，我有多謝佢呀，我叫佢聽日睇報紙，佢話梗係記者逼我先講，我話唔係囉，我係真心。阿女就聽日要返學，但係死磨住要睇，佢阿媽就叫佢瞓喇，所以佢瞓都未知。」家輝稱復活節計劃一家外遊慶祝及休息。
對於二奪最佳男主角，家輝可乘機加價，他說：「嗰啲我冇諗，之前都係講笑，攞到獎對我嚟講唔等於我要自滿同驕傲，我諗未來電影會再做得盡啲，玩吓第二啲嘢。」


[img]http://static.apple.nextmedia.com/images/apple-photos/apple/20140415/large/15ec2p1a.jpg[/img]
■張家輝前晚開香檳慶祝再奪影帝。


[img]http://static.apple.nextmedia.com/images/apple-photos/apple/20140415/large/15ec2p3a.jpg[/img]
■張家輝得獎後與《激戰》的拍檔去慶功。

[img]http://static.apple.nextmedia.com/images/apple-photos/apple/20140415/large/15ec2p2a.jpg[/img]
■Sammi前晚失落影后，表示已習慣，但不會放棄。

[b]再爆肌頂唔住[/b]
問到會否再次爆肌，家輝耍手擰頭說：「賠片酬都唔拍，真係頂唔住。」更即場提議林超賢開闢爆肌以外的戲路：「真係要搵個談情戲拍吓，女主角Sammi（鄭秀文）未夠喉，我做文戲，佢做打。」
此外，輸影后的Sammi在微博留言：「對於贏輸，尤其對『輸』經驗十足，在佈景板前拍下自己，告訴自己：永不放棄！做好自己！」
採訪：張俊銘
攝影：陳順禎  

[img]http://static.apple.nextmedia.com/images/apple-photos/apple/20140415/large/15ec2p10a.jpg[/img]
[img]http://static.apple.nextmedia.com/images/apple-photos/apple/20140415/large/15ec2p9a.jpg[/img]
■張家輝獲紅地毯最佳服裝獎的這身打扮，會否抄自米奇（右圖）？

來源:蘋果日報網站