2013-12-17 12:42
sinta
Paul家暴內幕？ 與朱茵冷戰 向老父認錯
黃貫中性格火爆，有時見佢喺微博分享生活點滴時，啲留言火爆又飄忽。早排身處美國嘅佢，又突然自爆有「家暴」問題，話如果其父再對自己家人包括老婆朱茵動粗，佢會手刃其父親，變自己嘅殺父仇人。
不過，據知黃父0依家80幾歲兼且要坐輪椅，所以動粗之說好多人都覺得古怪。昨日就有報道話，黃貫中情緒波動，做咗爸爸都冇乜改善，有知情者話一直撐佢嘅老婆朱茵，眼見老公愈來愈控制唔到情緒、而且又經常留喺Band房唔返屋企，最慘係返到屋企又滿身煙酒味，有時作曲畫畫都無啦啦掟爛啲嘢。所以早排朱茵唔畀黃貫中返九龍城住所，黃貫中只好返大埔住咗一排。
同老婆冷戰，Paul父親勸佢，兩個人就嘈起上嚟，連啲童年舊事都拎出嚟講，之後Paul同細佬黃貫其去美國，就出咗嗰篇「殺父文」，搞到大埔村屋不時有記者守候，引起軒然大波。
報道話直至上星期，Paul先帶埋朱茵返大埔搵佢父親認錯，順便向朱茵箍煲。報道影到佢哋兩公婆出入住所相，朱茵都冇乜笑容，全程嬲爆爆，但夜晚黃貫中有得返屋企，一齊同朱茵返九龍城住所。
[img]http://static.apple.nextmedia.com/images/apple-photos/video/20131217/org/1387226460_9d89.jpg[/img]
來源:蘋果日報網站